XA ESTAMOS DE VOLTA!!

Este curso tardamos un pouco en comezar a publicar no noso blogue porque estivemos moi liados e liadas movendo libros, andeis, mesas, adornando...

O caso é que, durante os meses de setembro e outubro a nosa biblioteca permaneceu pechada por obras.  Tivemos que esperar ata o mes de novembro para poder empezar a usala pero a espera pagou a pena. MIRADE!!

E isto é o principio xa que vai haber moitas  máis novidades que iremos introducindo pouco a pouco. Xa vos iremos contando.

NANA ESTÁ ENCANTADA COA SÚA NOVA CASA E NÓS TAMÉN!

CREAMOS PERSONAXES DE VIDEOXOGOS

Para conmemorar o DÍA DAS BIBLIOTECAS ESCOLARES Nana propúxonos crear un personaxe de videoxogo, outorgarlle unha serie de poderes (tres fantásticos e outros tres reais), darlle un nome e colocalo na aula.
A todas as clases  pareceunos unha idea xenial, xa que, ademais, Nana vainos necesitar para axudala en moitas aventuras que imos vivir neste curso.
Neste vídeo presentámosvos a todos eles (ou máis ben elas porque a maioría son chicas!!)

Lanza ao mestre coas normas da biblioteca

Fai tempo fixemos un LIM coas normas da biblioteca que nos serviu para coñecer un pouco máis o funcionamento da nosa biblioteca. Hoxe vos propoño un xogo para non esquecernos dos pequenos detalles que fan que a biblioteca funcione mellor. Sobre todo é divertido!!! Preme na imaxe para acceder a el.

24 de outubro: Día Internacional das Bibliotecas

Para conmemorar o día das bibliotecas tedes no blog un LIM con actividades e xogos para coñecer un pouco máis a nosa biblioteca. Podedes acceder a el, ben pinchando directamente na barra superior en A biblioteca: as normas ou ben pinchando na imaxe de Nana de esta entrada.

Feliz día e feliz lectura!!!